Нэгдсэн Үндэстний Байгууллага (НҮБ) уур амьсгалын өөрчлөлттэй тэмцэх дэлхий нийтийн хүчин чармайлтад чухал үүрэг гүйцэтгэдэг. НҮБ-ын Уур амьсгалын өөрчлөлтийн тухай Суурь конвенцийг (НҮБ УАӨСК)1994 онд баталснаас хойш, НҮБ нь хүлэмжийн хийн ялгарлыг бууруулах, өөрчлөгдөж буй уур амьсгалын нөхцөлд дасан зохицоход чиглэгдсэн олон улсын гэрээ хэлэлцээр, стратеги бодлогыг боловсруулахад идэвхтэй хувь нэмэр оруулсаар ирсэн. 2015 оны Парисын хэлэлцээрийг ч НҮБ-ын ивээл дор баталсан бөгөөд уур амьсгалын аюулт өөрчлөлтөөс сэргийлэх дэлхийн үйл ажиллагааны төлөвлөгөөг баталсан түүхэн ололтот үйл явдал байв.
Уур амьсгалын загвар, шинжлэх ухааны чухал өгөгдлүүд, мөн уур амьсгалын тал дээр авах арга хэмжээний зөвлөмжийг агуулсан НҮБ-ын уур амьсгалын тайлангуудтай илүү дэлгэрэнгүй танилцаж, мэдээлэл авах.
Бид, НҮБ-ын уур амьсгалын өөрчлөлттэй хийж буй тэмцэл, хүлэмжийн хийг багасгахад гүйцэтгэж буй үүрэг, хүчин чармайлтыг хүлээн зөвшөөрдөг. НҮБ нь олон улсын санаачилгуудыг дэмжиж хэрэгжүүлэх, тэдгээрийн тогтвортой хөгжлийг хангахад чухал үүрэг гүйцэтгэсэн. Бид НҮБ-ын зорилтуудыг дэмжиж, илүү тогтвортой, хангалуун сайхан ирээдүйг бүтээхийн төлөө хамтран ажиллахыг эрмэлзэж байна.
Уур амьсгалын хямрал ба түүний тухай ойлголт, шийдлийг танилцуулахын тулд, та бүхний анхааралд геодинамикийн болон уур амьсгалын үйл явцын харилцан хамаарлын загварыг толилуулж байна. Энэ нь Дэлхий дээр болж буй үйл явцыг илүү гүнзгий ойлгоход туслах чухал өгөгдлүүдийг гаргаж тавьдаг ба уур амьсгалын хямралыг даван туулахад дэвшилтэт арга хэрэгслийг авч хэрэгжүүлэх зайлшгүй шаардлагатай байгааг илүү тодруулж харуулдаг.
Эдгээр боловсруулсан загварууд нь олон жилийн судалгааны үр дүн юм. Нүүрсхүчлийн хий, метан гэх мэт хүлэмжийн хий нь уур амьсгалын өөрчлөлтийн хүний үйл ажиллагаанаас үүдэлтэй үндсэн хүчин зүйл гэдэг нь эргэлзээгүй. Гэхдээ далайд уусч нэвчсэн бичил - нано хуванцар мэтийн уур амьсгалын хямралыг хурцатгадаг, хүний үйл ажиллагаанаас үүдэлтэй нэмэлт хүчин зүйлүүд бий. Мөн уур амьсгалын нөхцөл байдлыг дордуулдаг геодинамикийн хүчин зүйлүүдийг ч тооцож үзэх нь чухал.
Энэхүү загварт уур амьсгалын, геодинамикийн, мөн хүний хүчин зүйлүүдийн харилцан хамааралд онцгой анхаарал хандуулсан. Эдгээр хүчин зүйлүүдийн нийлбэр нь өнөөдрийн бидний ажиглаж буй уур амьсгалын хурц хямралд хүргэж байна.